Хәләл туй да бик күңелле үтте

Яшьләр интернеттагы социаль челтәрләрнең берсендә таныша. Күрешеп, бераз очрашып йөргәннән соң, тормышларын бергә бәйләргә булалар. Ничек хәләл туй уздырырга булдыгыз дигәч, болай диделәр: “Икебез дә намазда булгач, хәмерле бәйрәм артында утыру икейөзлелек булыр иде. Тормыш юлыбызны "шайтан туе" белән башлап җибәрәсе килмәде. Пәйгамбәребез (с.г.с.) әйткән сүзләр бар: "Әгәр дә Аллаһка һәм кыямәт көненә ышанасың икән, хәмер булган өстәл артына утырма". Менә шул фикерләр безне хәләл туй үткәрергә этәрде”.

Яшь парларның әлеге фикерләрен ике якның әти-әнисе дә хуплап кабул итә. Чакырылган кунакларга хәләл туй уздырыласы алдан ук әйтелә. Аларның да күбесе бу фикерне ошата. Мәҗлес хәмерсез дә бик күңелле үтә икән. Альберт һәм Айгөлнең туе – моңа дәлил.