Илсөя Бәдретдинова шәхси тормышы турындагы имеш-мимешләргә нокта куйды

"Соңгы вакытта Илсөя тегенең белән очраша, моның белән йөри икән дигән гайбәтләр еш ишетелде. Яшерен-батырын түгел, хәтта Президент Рөстәм Миңнеханов белән йөри икән, дип тә килеп әйттеләр. Кычкырып көлдем. «Ярар, начар кеше түгел лә инде – бик күңелле булган икән», – дим. «Официально заявляю» – минем беркемем булмады һәм юк, хәзерге вакытта гамем ир-атларда түгел. Минем улым бар, аны бәхетле итәргә тиешмен. Ул исән булсын да акыллы булсын. Ләкин бу Илсөя бөтенләй ир-атлардан ваз кичкән икән дигән сүз дә түгел. 35 яшь кенә бит әле миңа", дип белдергән "Безнең гәҗит" газетасына.