Язылышу тантанасы нинди булуга карап, туй күлмәген сайлыйбыз
Үтә дә рәсми язылышу
- Күлмәк идәнгә кадәр озынлыкта, челтәрләр белән, чигеп бизәлгән.
- Күлмәк җиңнәре озын да, кыска да булырга мөмкин. Җиңнәр кыска булса, кәләш озын перчатка кияргә тиеш. Балдак алмашканда, кәләш перчаткаларын салып тора.
- Шлейф һәм фата идәнгә кадәр йә озынрак була.
Рәсми язылышу
- Шлейфлы күлмәк (гадәттә, 2-2,5 м).
- Фата озынлыгы якынча 2, 7 м.
- Күлмәк җиңнәре кыска булса, озын перчаткалар киелә.
Ярымрәсми язылышу
- Идәнгә кадәр, йә балтырга кадәр озынлыкта шлейфсыз күлмәк.
- Терсәккә кадәр озынлыктагы йә кыскарак фата. Фата урынына вуалеткалы баш киеме дә кияргә мөмкин.
Рәсми булмаган язылышу
- Тездән аз гына түбәнрәк озынлыктагы костюм йә күлмәк.
- Кагыйдә буларак, фата юк. Чәчәкле вуалетка булырга мөмкин.
- Фата урынына кәләш эшләпә кия йә чәченә чәчәкләр куя ала.
Ирекле язылышу
- Кәләш өстенә үз тәләгән бар киемне кия ала. Әгәр туй кантри стилендә булса – джинс чалбар, көнчыгыш стилдә булса – сандалийлар, сарафан, һ.б.
Туй күлмәген салоннан сатып алу йә тектерү уңайлы.
Бары тик ныклап сайлаганнан, таныш-белеш белән киңәшкәннән соң гына, билгеле бер салонда тукталырга киңәш итәбез.
Заказ ясаганда бланкта күрсәтелергә тиешле мәгълүматны истә тотыгыз:
• үлчәмегез, күлмәкнең төсе, фасон номеры;
• алдан күпме акча түләнгән, фигура буенча төзәттерү, үтүкләү һ.б. ничә сумга төшәчәк;
• заказдан баш тарту шартлары;
• килешүгә ике як та имза куйган булырга тиеш.
Соңгы вакытта туй өчен аерым, никах өчен аерым күлмәк алу гадәткә кереп китте.
Комментарии