1 сентябрь көнне Булат һәм Энҗе Сруровларның икенче уллары туды (ФОТО)

- Энҗе, улыгыз кайсы балалар тудыру йортында дөньяга килде?

- Казан шәһәренең беренче балалар тудыру йортында. Авырлыгы 4250 кг, буе 58 см. Туганнар, дуслар “беренче сентябрьдә тугач, укымышлы булыр инде” дип шаярта (көлә).

- Исеме ничек булыр икән?

- Мансур. Исемне әтисе белән икәү сайладык. Дөресрәге, мин тәкъдим иткән исемнәр арасыннан Булат күңеленә ошаганын, яңгырашы белән фамилия һәм үзенең исеменә туры килгәненә тукталды.

- Икенче тапкыр әни булгач нинди хисләр кичердегез?

- Икенче тапкыр әни булган мизгелнең беренче секундында: “Аллага шөкер, балабыз сау- сәламәт, котылдым!” - дидем. Яныңда мышкылдап яткан төенчекнең нинди бәхет икәнен аңлау, күз яшьләре соңрак…

- Олы улыгыз энекәшен карарга ярдәм итәме?

- Сәет улыбыз энекәшен бик ярата. Бәби йоклаганда Мансур энем, дип яныннан да китми (көлә). Көнчелекнең эзе дә юк. Үзебез дә Сәеткә игътибарны киметмәскә тырышабыз.

- Балагыз кемгә охшаган?

- Мансур Сәет абыйсына охшаган. Ә Сәет әтисенең кечкенә копиясе.

- Улларыгыз сау-сәламәт, тәүфикълы балалар булып үссен!

- Рәхмәт!