Алимент түләүдән качкан ирне эте «саткан»

Чувашстанның Кугеси бистәсендә яшәүче, 2015 елдан бирле алимент түләүдән качып йөрүче 44 яшьлек ирне эте «саткан». Моңарчы ул суд приставларыннан гел качып йөргән.

Эт сатып алып кына тотылган. Аның өенә приставлар килгәч, эте өрә башлый, аның тавышын ишетеп, хуҗасы ишегалдына чыга. Приставларны күргәч, бакча аркылы чыгып йөгерә һәм урамдагы халык арасында күздән югала. Приставлар кулында иске фототсурәте генә була, килгәч тә аны яхшылап күреп өлгермиләр, кешеләр арасыннан таба алмыйлар, дип яза ШК. Әмма ачык бакча ишегеннән чыгып йөгергән эт хуҗасы артыннан барып, аны куып та җитә. Шул рәвешле приставлар ирне тоткарлый.