Илдар белән Гүзәл үзләренең бакчаларын булдырырга тели

Шуңа, андый өмәләрне сагынып, елмаеп искә алабыз.

Бакчада мин бәрәңге, кишер, суган утыртырга яратам. Чәчәкләр утырту, су сибү эшләрен бик теләп башкарам. Дөресен әйткәндә, чүп утау һәм корт чүпләүне бик яратып бетермим, тик, аларын да эшләми булмый.

Ә инде җимешләр өлгерә башлагач, иң яраткан эшем - җиләк-җимеш җыю һәм алардан төрле-төрле кайнатмалар эшләү.

Илдар бакча эшләрен шулай ук бик яратып башкара. Бакча казу эше егетләргә күбрәк тә эләккәндер инде. Элегрәк ул бакча казыганда көмеш һәм бакыр тәңкәләр дә тапкан булган әле. Алар тарихи акчалар - Петр I, Екатерина II вакытындагы тәңкәләр булып чыккан.

Илдар аеруча кишер чәчәргә һәм үстерергә ярата. Бакчада үстерелгән яшелчә һәм җимешләргә өстенлек бирә.

Үзебезнең дә бакчабыз булуын бик телибез. Анда яшелчәләр, җиләк-җимешләр, чәчәкләр үсәр, Алла боерса. Әлбәттә, үз кулың белән үстергәнгә берни җитми. Бакчаңда үскән яшелчә, җиләк-җимешләрнең исе дә бүтән төрле бит аның.

Үз бакчабызга күп итеп алма һәм слива агачлары утыртырга телибез. Һәр агачка исемнәр бирербез дип хыялланабыз", дип белдергән Гүзәл "urazova.ru" сайтына.