Кияү егет өчен туйга киңәшләр

Туйның йөзек кашы – кәләш, бәхәссез. Тик бу кияү егет кәләшнең шәүләсе булып йөрергә тиеш дигән сүз түгел. Кияү үзен туган-тумачада матур фикер калдырырлык зәвыклы һәм тәрбияле тотарга тиеш. Бу киңәшләребез сезгә ярдәм итсен.


 
- Кунакларны зәвыгы белән таң калдырыр өчен, кияү егет бәйрәм костюмы кия. Гадәттә, бу - караңгы төстәге рәсми костюм, йә ак жилет һәм ак күбәләк-галстук белән фрак.

- Бүгенге заманда өч төймәле һәм инглизчә якалы озынча смокинг кию дә модага кереп бара.

- Кияү егетнең аягында, һичшиксез, кара оекбаш һәм ботинка була. Оекбаш озын булырга һәм чалбардан ялан аяклар күренеп тормаска тиеш. Ботинканы костюм төсенә карап сайлыйлар.

- Фраклы күлмәктән тыш, жилет белән белән булавкалы галстук та кияргә мөмкин.

- Кияү егеткә күлмәкне, йола буенча, кәләш бүләк итә.

- Күкрәк кесәсеннән ап-ак кулъяулык почмагы күренеп тора.

- Кияү костюмында аеруча игътибар галстукка  бирелә. Аны костюм тукымасы төсенә,  рәсеменә һәм материалына карап сайлыйлар. Галстук костюм белән бер тонда булырга тиеш: бу  - кагыйдә. Тантаналы очракларда ефәк галстук бәйлиләр.

- Костюм сайлаганда фигурагызның пропорцияләрен истә тотыгыз. Кыска буйлы кияүләргә озынча һәм киң янбашлы костюм сайлау килешми. Икеякалы костюм исә тазартып күрсәтә.

- Классик костюм – һәркемгә дә килешә.

- Чалбар озынлыгы аяк киеме үкчәсенең яртысыннан булырга тиеш.

- Бутоньерка йә чәчәк – кияү егете костюмының аерылгысыз бизәге. Аны пиджак якасының сул яктагы төймә тишегенә беркетәләр. Бутоньерка йә чәчәк зур булмаганда гына, туй костюмын бизәп торачак.

- Кияү костюмындагы чәчәкнең кәләш бәйләмендәге чәчәкләр белән туры килү-килмәвен алдан ук сөйләшеп куярга кирәк.

- Кияү чәчен алдан ук кистереп, төзәтеп куярга тиеш.

- Туй алдыннан стоматологка да барып кайту хәерлерәк.

- Туй тантанасында, мәҗлестә, фото һәм видеокамералар алдында үз-үзеңне табигый тоту өчен, бар да тәртиптә булырга тиеш.
 

Комментарии

Имя:
E-mail:
Показать новое число.
Текст:
:)


 
10.03.2013 15:41:37

Кияу- бары тик кияу генэ, дусларым. Э Кияу егете,егетлэре -,дип свидетельгә хэм анын дус егетлэренэ әйтәләр.

10.03.2013 09:41:03

Туйда "кияү" һәм "кияү егете" дигән затлар бар безнең якта. "Кияү егет" дигәнен хәтерләмим.

 

Последние комментарии