Лилиана Ирназарова: «Улыма иптәшкә тагын бер малай алып кайттым»

"Шәһри Казан" газетасы хәбәрчесе белән Лилиана сөенечен уртаклашкан:

- 11 август көнне икенче тапкыр әни булдым. Улыбыз Назарга иптәшкә тагын бер малай алып кайттык. Авырлыгы 3830 грамм, буе 53 см. Сабыйга Диар дип исем куштык. Икенче тапкыр әни булу – бөтенләй икенче хисләр икән. Назар энесен бик ярата. Әле дәү әниләре белән диңгезгә киткән иде, энесенең хәлен көн саен шалтыратып сорый. Тиздән 11 сентябрьдә Стәрлетамак шәһәрендә узачак «Музыкаль сәлам» концертында катнашам. Гаилә белән барабыз. Улыбыз күкрәк сөтендә. Шуңа күрә чыгышыма бер номер кала гына киләчәкбез. Балам бик тыныч, сәхнәдә еш күренермен дип уйлыйм.