Раяз ауга көн саен да барыр иде

«Ниһаять, бер матур мәхәббәт, өметле мәхәббәт турында җырыма клип булачак», – дип елмая җырчы. Хәтерләсәгез, моңарчы дөнья күргән өч клип – «Син миңа киләсең», «Эзләмә син кабат очрашулар», «Кадерле кешебез» – бик моңсу иде шул. Монысыннан ниләр килеп чыкканын тиздән күрербез, клип  әзер булачак ди. Ә менә ял итүенә килгәндә, еш кына дусты Марат белән ауга барырга ярата икән. «Көн саен йөрер идем әле», – ди хәтта. Аучылыкка мәхәббәтне аңа нәкъ менә дуслары сеңдергән. Әгәр дә сез Раязга бүләк-мазар ясарга уйласагыз, коралга рөхсәт кәгазе бүләк итә аласыз. Ә мылтыкны Раяз үзе җентекләп сайлап алыр.