Рөстәм Закиров: «Бәрәңгегә иртә әле — җир өлгермәгән»

Халык ун көн ял итә. Бәйрәмле ялларны ничек уздырырга җыенасыз? Газета укучыларыбызга шул сорауны бирдек.

Рөстәм Закиров, Татарстанның халык артисты:

 

– Ялларда авылга кайтып китәчәкбез. Хатыным Люция болай да авылда әле. Бәйрәмнәрдә исә Арча районында булабыз. Улыбызның тагын ике ай армия хезмәте кала. Ул парадка әзерләнә. Кызыбыз безнең белән авылга кайтачак. Ә анда эш бетми. Җыештырасы да бар, җир казыйсы да. Яшелчәләр дә утыртырга дип торабыз. Ә менә бәрәңгегә иртә әле. Җир өлгермәгән. Без аны ел саен майның 20сеннән соң гына утыртабыз.