Шәмсия Җиһангированың туй турында шаян һәм гыйбрәтле шигыре

Шәмсия Җиһангирова "Өйләнешкәч"

Безнең әле бернәрсәбез дә юк:
Касәбез юк чәйләр эчәргә,
Аш ашарга кашык, тәлинкә юк,
Тәҗрибә юк дөнья көтәргә.

Әти-әни берни өйрәтмәгән...
Төяп-төяп байлык бирмәгән...
Күккә ашкан тауны әйткән дә юк,
Төшә белербезме үрләрдән?!

...Ә шулай да - күңел күктә безнең!
Син карыйсың миңа, мин - сиңа.
Юкны бар итүче мәхәббәт бар! -
Иң кадерле байлык шушы ла!