Сылу тамашачылар сораган җырлардан концерт оештырды!

"Мин музыкага үлеп гашыйк, җырларга бик яратам! Мондый кичәләр – концертлар оештыру онытыла барган һәм яңа иҗат ителгән җырларны башкару өчен генә түгел, якыннарым, дусларым белән күрешү өчен дә менә дигән мөмкинлек. Концертта һәркемнең ишетәсе килгән җырлары яңгырады. Кичә җылы мохиттә узды, мин бик канәгать!", дип белдерде Intertat.ru хәбәрчесенә Сылу.

Концертта Марсель Зәйдуллин, Роберт Мезенин, Азат Габбасов, легендар "Хомай" төркеме катнашты. Билгеле булганча, "Хомай" төркеме җырчысы Илдар Арсланов – Сылуның бертуган абыйсы. Концертта шулай ук Илдарның кызы Иделия Арсланова да чыгыш ясады. Иделия дә, башка җырчылар да Сылу иҗат иткән җырларны башкарды. Кунаклар арасында Сылуның укучысы Ирек Гибадуллин һәм аның тормышы иптәше, популяр җырчы Чәчкә дә бар иде. Сылу килгән кунакларга үзенең дискларын һәм төрле сертификатлар бүләк итте.