Алмаз Миргаязов "Татар Радиосы" кружкасын "Күңел" радиосыныкына алмаштырачак

Шушы көннәрдә “Татар радиосы” директоры Алмаз Миргаязов “Күңел” кармагы!” дигән конкурсның җиңүчесе итеп табылды. Баксаң, “Күңел” радиосы җиңүче табылмады инде дип кул селтибез дигәндә генә, 42 көн(!) үткәч, Алмаз җырчыларның нинди машиналарда җилдерүе турындагы язмада хаталар тапкан.

Ә хаталар мондый: Айдар Галимов – Toyota Land Rover (Тойота Ленд Ровер) машинасында йөрми. Беренчедән, Тойота Ленд Ровер дигән машина юк. Икенчедән, Айдар Галимовның - BMW X5 (БМВ Х5);

Зөфәр Билалов – Toyota Land Rover (Тойота Ленд Ровер) машинасында йөрми. Беренчедән, Тойота Ленд Ровер дигән машина юк. Икенчедән, Зөфәр Билаловның - Jaguar (Ягуар) ак төстә.

«Күңел» радиосы коллективы Алмаз Миргаязовны чын күңелдән котлап, «Күңел» логотибы төшкән кружка һәм балалар өчен китаплар белән бүләкләнәчәген хәбәр итә.

Алмаз Миргаязов исә, “Күңел” радиосы кружкасын "Татар радиосы” кружкасына алмашырбыз, Аллабирса! Чаллыга кайтасымны гына көтәсе кала. Кружкама әйтеп куегыз, мине көтеп торсын!”, дип язып куйган үзенең социаль челтәрдәге битендә.
 

Комментарии

Имя:
E-mail:
Показать новое число.
Текст:
:)


 
▲ Наверх
Последние комментарии