Татар эстрадасының иң якты йолдызлары яшь шагыйрәнең китабын рекламалый (ФОТО)

Ләйсән Октябрьский шәһәрендә туып, үскән. Шунда ук мәктәпне тәмамлаган, техникумда хисапчы профессиясен үзләштергән. Бүгенге көндә Уфа Дәүләт икъдисат һәм сервис академиясенең Октябрьский филиалында югары белем ала. 20 яшьлек Ләйсән Сабитованың бүгенге көндә өч китабы бастырылган. 

- "Вконтакте" сайтында татар эстрадасы йолдызлары белән төшкән фотоларың күп, әллә бу синең хоббимы?

- Шулай дисәң дә була. Бу  җырчылар белән аралашу өчен дә файдалы.

- Син аларга китапларыңны тоттыргач, алар югалып калмыймы?

- Юк, алар киресенчә, кызыксыналар.

- Ләйсән, ничә яшеңнән шигырьләр яза башладың?

- Беренче тапкыр каләмне алганда миңа ун яшь иде, беренче шигырьләрем туды.

- Беренче китабың кайчан чыкты?

- Беренче китабым 2010 елны чыкты, "Любовь -  Мәхәббәт" дип атала. 

- Бастырылган китапларыңда шигырьләрең татарча гынамы?

- Юк, рус телендә язган шигырьләрем дә басылды.

1

2

3

4

5

6

7

8

9

10