Вәсилә Фәттахованың арабыздан китүенә - 8 ел

Вәсилә Фәттахованың якты дөньядан китүенә бүген 8 ел тулды. Сагынабыз, юксынабыз...

Бу уңайдан аның сөекле тормыш иптәше Илгиз Әбдрәкыйповның "Сөембикә" журналына 2021 елда биргән интервьюсын тәкъдим итәбез.

 

–  Юксындыра... Еллар үтсә дә яралар төзәлми икән. Ул минем иң якын кешем... Мәңгелеккә! Ә иң зур фаҗига – балалар әнисез үсә.

Кәрим әнисен бик сагына. Аз сөйләшә. Әнисез тормышның авырлыгын эченнән генә кичерә. Әнисенең әйберләренә кагылдыртмый. Балачагын хәтерли билгеле. Алар бит әнисе белән 4 ел ярым аерылгысыз булып яшәделәр. Әгәр дә могҗиза булып,әнисе берәр көнне ишек кагып килеп керсә, Кәримнең нинди халәттә булачагын күз алдыма да китерә алмыйм. 

Безгә бүләк булып, нәкъ туебыз көнендә туган бала ул. Камилә туганда  900 грамм иде. Мондыйлар яши алмый, дигән иде табиблар. Исән калуына ышанычлары булмагандыр да. Гомере булгач, кызым матур булып үсеп килә. Әйе, сәламәтлеге начаррак. Аерым тәрбия кирәк. Хастаханәдән алып чыкканнан бирле аны минем әни карый. Камиләне әле аякка бастырырга кирәк. Дәвалау курслары үтәр өчен төрле җирләргә йөрдек, менә хәзер операциягә әзерләнәбез. Пандемия генә комачаулады.

Еллар үтә... Еллар белән бергә гомер дә үтә. Хәзер уйландыра башлады. Миңа хатын гына түгел, балаларыма әни булырдай  кеше булырга тиеш бит инде ул. Нәрсәләрнедер үзгәртергә вакыт җиткәндер. Барысы да язмыш кулында. 

Бик авыр булды шул Вәсиләне югалту кайгысы. Бөтен дөньям асты-өскә килде. Өч ай буе өйдән чыкмадым. Коллегалары Вәсилә истәлегенә багышланган концерт оештыр дип мөрәҗәгать итте. Шул мәшәкатьләр белән мавыгып кына өр-яңадан яши башладым бугай. Беренче елы бик авыр булды. Хәзер дә җиңел дип әйтмим. Башта төрле уйлар бар. Тыштан бар да яхшы кебек. Тик нәрсәгә шатланырга?

– Әйе, аракыдан юаныч табарга буладыр. Ә балалар? Минем балалар миннән башка беркемгә кирәкми. Аларны кем карый? Мин шул хакта уйладым. 

Бар. Уфадагы мәдәният үзәкләренең берсенә аның исемен бирү теләге белән күптәннән янам. Әмма әлегә мин теләгәнчә барып чыкмый. 

Җырлары буенча да уйларым бар. Хәтер җыелмасы ясыйсым килә. Анда җырлары язылган флешка да, сувенирлар да булачак. Бөтен серне дә ачмыйм. Аның уникаль бүләк буласын гына әйтәм. Вәсиләнең туган көненә – 31 декабрьгә әзерләргә тырышам. 

 Бу хакта күп уйландым. Тик бик күпләр шундый әйбәт концертлар оештыра идегез дип әйтте.. Дәвам итәргә куштылар. Эшлим, әмма төп эшем төзелеш бизнесында.